Untuk petamo kalinyo, sejak tigo taun kemaren, motorku ngadat. Start idup, pas nak dijalanke sudah masuk gigi, mati tegak. Ini la dari tigo ari kemaren, tapi dak parah cak ari ini. Mungkin dio merajuk sudah seminggu dak dicuci. kali la yo.
Jadi, ceritonyo, tadi pasgi abis liputan di swarna dwipa. motor parkir di fitnes samping hotel. Pas ku engkol, saro nak idup. Idup, tapi ati lagi. Nah lantak, saro tubu jadinyo. Nemen ku engkol jalan jugo, triknyo, agak dorong dikit sesudah masuk gigi.
tapi, nah kau saro lagi, di simpang empat depan musem songket sumsel mati tegak. Untung dak dilajukan angkot sekip. Masih untung lagi, motor tu dak merajuk nian, dio idup lagi. sampe jugo di kantor siang ari. Laju ngetik.
Pas nak jalan, uji tu nak njingok rumah wakil gubernor dibagusi, lantak mogok lagi. Nak bawak ke bengkel kantong lagi kempes, buntu kando. Ai, laju balek bae. Nak bongkar dewek dak katek alatnyo, nah kesian nian.
Langganan:
Posting Komentar (Atom)
Tidak ada komentar:
Posting Komentar